தோழமையென்னும்  தூதுவன் - கவிஞர் விஜயநேத்ரன் 

வாழ்வென்னும் நிலவதனில்,

வளர்பிறையோ? தேய்பிறையோ?..

தோள் தரும் உறவொன்று,

துணை நின்றால் போதாதா??

வீழ்கின்ற நிலைவரினும் - நம்மை

வீழ்த்தாத உறவெதுவோ?? 

மால்கின்ற நிலையதிலும் - நம் 

மானம் காக்கின்ற உறவெதுவோ??

எதிர்நின்று ஆயிரம் பேராயிரம் 

எள்ளி நகையாட - நமக்காக

துணைநின்று தோள் கொடுக்கும்

வரம் பெற்ற ஓர் உறவே....

தரம் தாழ்கின்ற போதெல்லாம்

பகவத் கீதை சொல்லும்...

தடம் பிறழ்கின்ற போதெல்லாம்

புதிய பாதை காட்டும்...

சேர்கின்ற இடமதிலே - நம்மை 

ஆள்கின்ற உறவதுவே....

சிந்தையில் தெளிவு கொண்ட 

சீரான நட்பென்னும் தோழமையே....

வாழ்த்துகளுடன், 

✍️கவிஞர் விஜயநேத்ரன்